അല്‍ അബ്ബാര്‍ അസോസി യേറ്റ്സിന്റെ സഹോദര സ്ഥാപനമായ ദുബായിലെ കരാമ ഹോട്ടലില്‍ ഇനി ഗോവന്‍ വിഭവങ്ങളും ലഭിക്കും. “ഇന്‍ഡിഗോവ” എന്ന ഗോവന്‍ റെസ്റ്റോറന്റിന്റെ ഔപചാരികമായ ഉല്‍ഘാടനം ഡിസംബര്‍ 18ന് പ്രശസ്ത ഗോവന്‍ സംഗീത ജ്ഞനായ റെമോ ഫെര്‍നാണ്ടസ് നിര്‍വ്വഹിക്കും.
ദുബായ് കരാമയില്‍ സ്ഥിതി ചെയ്യുന്ന കരാമ ഹോട്ടല്‍ ദുബായ് ടൂറിസം വകുപ്പിന്റെ ത്രീ സ്റ്റാര്‍ അംഗീകാരമുള്ള ഹോട്ടലാണ്. “ഇന്‍ഡിഗോ” പ്രവര്‍ത്തനം ആരംഭിക്കുന്നതോടെ ഇനി കരാമാ ഹോട്ടലില്‍ സ്വാദിഷ്ടവും ഗോവന്‍ തനിമയുള്ളതുമായ വിഭവങ്ങള്‍ ലഭ്യമാകും എന്ന് റെസ്റ്റോറന്റിന്റെ സവിശേഷതകള്‍ വിശദീകരിച്ച് കൊണ്ട് ഹോട്ടല്‍ അധികൃതര്‍ ദുബായില്‍ നടത്തിയ പത്ര സമ്മേളനത്തില്‍ അറിയിച്ചു.
ഗോവയിലെ തന്റെ കുട്ടിക്കാലത്തെ ജീവിത ത്തിനിടയില്‍ ഹൃദിസ്ഥമാക്കിയ വ്യത്യസ്ത സംസ്കാരങ്ങളില്‍ അധിഷ്ഠിതമായ സംഗീത ശൈലികളും, പരമ്പരാഗത ഇന്ത്യന്‍ സംഗീതവും, പാശ്ചാത്യ സംഗീതവും സംയോജിപ്പിച്ച്, ഇന്ത്യന്‍ സംഗീത ആസ്വാദകര്‍ക്കു മുന്നില്‍ ലോക പോപ് സംഗീതത്തിന്റെ വാതായനങ്ങള്‍ തുറന്നു കാണിച്ച റെമോ ഫെര്‍നാണ്ടസിന്റെ സ്വന്തം സംഗീത സംഘമായ “മൈക്രോവേവ് പപ്പടംസ്”ബാന്‍ഡിന്റെ സംഗീത അവതരണവും “ഇന്‍ഡിഗോവ” യുടെ ഉല്‍ഘാടന ചടങ്ങിനോ ടനുബന്ധിച്ച് അരങ്ങേറും. കരാമ ഹോട്ടലിലെ ജനപ്രിയമായ “തന്ത്ര” ക്ലബ്ബിലായിരിക്കും സംഗീത പരിപാടി അരങ്ങേറുന്നത്.
ദുബായ് : യു.എ.ഇ. യിലെ പ്രമുഖ ബിസിനസ് സംരംഭകരായ ഫാഖി ഗ്രൂപ്പിന്റെ വാര്‍ഷിക ആഘോഷങ്ങള്‍ പുതു വത്സര ദിനത്തില്‍ ദുബായില്‍ വെച്ച് നടക്കും. ജനുവരി ഒന്ന് വെള്ളിയാഴ്ച വൈകീട്ട് 7:30 ന് അല്‍ നാസര്‍ ലിഷര്‍ ലാന്‍ഡിലെ നഷ്വാന്‍ ഹാളില്‍ ആണ് പരിപാടി.
ദുബായ് : റെഡി മെയ്ഡ് വസ്ത്ര ഉല്‍പ്പാദന വിപണന രംഗത്തെ പ്രമുഖ സ്ഥാപനമായ ഫൈന്‍ ഫെയര്‍ ഗാര്‍മെന്റ്സിന്റെ ഗ്ലോബല്‍ വില്ലേജിലെ പ്രത്യേക പവലിയന്‍ തുറന്നു പ്രവര്‍ത്തനം ആരംഭിച്ചു. ശ്രേഷ്ഠ കാത്തോലിക്ക ബാവ മാര്‍ ബസേലിയോസ് തോമസ് പ്രഥമന്‍, സുലൈമാന്‍ മുഹമ്മദ് അല്‍ ഷിസാവി, മാനേജിംഗ് ഡയറക്ടര്‍ ഇസ്മായില്‍ റാവുത്തര്‍, ജി. എം. രാജ് കുമാര്‍ വിശ്വനാഥന്‍ എന്നിവര്‍ സന്നിഹിതരായിരുന്നു. 
ഈ പേജ് പങ്ക് വെയ്ക്കാം
0 Comments:
Post a Comment
Subscribe to Post Comments [Atom]
« ആദ്യ പേജിലേക്ക്