ഗുഡ് മോണിംഗ് തേയില യു.എ.ഇ വിപണിയില്‍ പുറത്തിറക്കി. ദുബായ് ബുര്‍ജുല്‍ അറബില്‍ മാധ്യമ പ്രവര്‍ത്തകരുടേയും വ്യാപാര പ്രമുഖരുടേയും സാനിധ്യത്തിലാണ് ഉദ്ഘാടന ചടങ്ങ് നടന്നത്. പ്രശസ്ത കമ്പനിയായ കരീംസ് ഗ്രൂപ്പാണ് ഗുഡ് മോണിംഗ് തേയില വിപണിയില്‍ എത്തിച്ചിരിക്കുന്നത്. ദുബായ് റഡ് ക്രസന്‍റ് അധികൃതരും ഉദ്ഘാടന ചടങ്ങില്‍ പങ്കെടുത്തു. മികച്ച ഉത്പന്നങ്ങള്‍ വിപണിയില്‍ ഇറക്കുക എന്നതോടൊപ്പം ജീവകാരുണ്യ പ്രവര്‍ത്തനങ്ങളും കരീംസ് ഗ്രൂപ്പ് ലക്ഷ്യമിട്ടിട്ടുണ്ടെന്ന് ചെയര്‍മാന്‍ മാജിദ് കരീം പറഞ്ഞു. ദുബായ് റെഡ് ക്രസന്‍റ് ജനറല്‍ മാനേജര്‍ മുഹമ്മദ് അബ്ദുല്ല അല്‍ സറൂനി, കരിംസ് ഗ്രൂപ്പ് സെയില്‍സ് ആന്‍ഡ് മാര്‍ക്കറ്റിംഗ് മാനേജര്‍ അരുണ്‍ പിള്ള, ആര്‍.പി സുധീര്‍, സുഹൈല്‍ അജാനി,കല ഷാജി തുടങ്ങിയവര്‍ വാര്‍ത്താ സമ്മേളനത്തില്‍ പങ്കെടുത്തു.
കേരളത്തില്‍ റിയല്‍ എസ്റ്റേറ്റ് മേഖലയില്‍ നിക്ഷേപം ഇറക്കുന്നതിനുള്ള മികച്ച സമയമാണ് ഇതെന്ന് പ്രമുഖ നിര്‍മ്മാണ കമ്പനിയായ എസ്. ആര്‍. കെ. ഗ്രൂപ്പിന്റെ ചെയര്‍മാന്‍ കെ. ആര്‍. മാലിക് അഭിപ്രായപ്പെട്ടു. കേരളത്തില്‍ നിക്ഷേപം ഇറക്കുന്നതിന് പ്രവാസി മലയാളികള്‍ക്ക് താല്‍പര്യം ഉണ്ടെന്നാണ് ഗ്ലോബല്‍ വില്ലേജിലെ തങ്ങളുടെ സ്റ്റോളില്‍ എത്തിയ ഭൂരിഭാഗം പേരും അഭിപ്രായ പ്പെട്ടതെന്നും അദ്ദേഹം പറഞ്ഞു. ദുബായില്‍ വിളിച്ചു ചേര്‍ത്ത വാര്‍ത്താ സമ്മേളനത്തില്‍ സംസാരിക്കുക യായിരുന്നു മാലിക്. സാധാരണക്കാര്‍ക്ക് താങ്ങാവുന്ന വിധം ഇടത്തരം നഗരങ്ങളിലും ഗ്രാമങ്ങളിലും ബജറ്റ് അപ്പാര്‍ട്ട് മെന്‍റുകള്‍ നിര്‍മ്മിക്കാന്‍ പദ്ധതിയുണ്ടെന്നും അദ്ദേഹം പറഞ്ഞു. വാര്‍ത്താ സമ്മേളനത്തില്‍ കെ. ബി. ഗണേഷ് കുമാര്‍, എസ്. ആര്‍. കെ. ഗ്രൂപ്പ് എക്സികുട്ടീവ് ഡയറക്ടര്‍ ദിനേശ് കുമാര്‍ എന്നിവരും പങ്കെടുത്തു.
ഈ പേജ് പങ്ക് വെയ്ക്കാം
0 Comments:
Post a Comment
Subscribe to Post Comments [Atom]
« ആദ്യ പേജിലേക്ക്